Aaqqissuusseqqinnissaq pillugu innuttaasunik ataatsimiititsisoqalersoq

Inatsisartut ukiakkut ataatsimiinnerat qaammat ataaseq qaangiuppat aallartinneqassaaq, tassanilu ilaatigut siusinaartumik pensionisianik utoqqalinersiutinillu aaqqissuusseqqinnissaq Naalakkersuisut saqqummiutissavaat.

Tamannalu sioqqullugu, Naalakkersuisut illoqarfinni Nanortalimmi, Narsami, Qaqortumi, Maniitsumi, Ilulissani, Aasianni Kangerlussuarmilu innuttaasunik ataatsimiititsiniarput.

AAMMA ATUARUK Siusinaartumik sulisinnaajunnaarnersiutillit sulilernissaat aporfippassuaqarpoq

AAMMA ATUARUK Martha: Sulisinnaajunnaarnersiuteqartut sulilersinneqassapput

Amerlanerit suliffeqarnermut akuusariaqartut

- Siusinaartumik pensionisianik utoqqalinersianillu aaqqissuusseqqinnikkut innuttaasut pisariaqartitsivissut pitsaanerusumik atugassaqalernissaannut pilersitsinissaq eqqumaffiginerulissavarput. Siusinaartumik pensionisiallit sulisinnaasut amerlanerit suliffeqarnermut akuusariaqarput. Innuttaasunik ataatsimiisitsinerni siunnersuutivut oqaluttuarinerunissaannut qilanaarpunga, Naligiissitaanermut isumaginninnermullu naalakkersuisoq, Martha Lund Olsen, taama oqarpoq.

Innuttaasunik ataatsimiititsineq siulleq Nanortallip katersortarfiani unnugu arfineq-marlunut pissaaq.

Innuttaaasunik ataatsimiititsinerit kalaallisut ingerlanneqassapput qallunaatullu oqalutseqarumaarluni.

Innuttaasunik ataatsimiititsineq

24. august Nanortalik: Katersortarfik nal. 19

25. august Narsaq: Timersortarfik nal. 19

26. august Qaqortoq: CamPus Kujalleq GU, atuarfiup inersuani nal. 19

Avannaani septembarip qaammataani aamma innuttaasunik ataatsimiisitsisoqassaaq.