Aaqqissuusseqqinnerit ilungersunartut sukkanerusumik suliarineqartariaqarput
Naalakkersuisut aaqqissuusseqqinnernik amerlasuunik suliaqarput, tamannalu inuiaqatigiit siunissamut isumalluarnartumut ingerlatinnissaannut politikkikkut piumassuseqarnermik sapinnginnermillu takussutissaavoq. Kim Kielsen Inatsisartut ataatsimiinnerata ammarneqarnerani oqalugiarami taama oqarpoq.
Ilaatigut ilinniarnermi, inuiaqatigiit imminnut napatissinnaaneranni, aningaasarsiornikkut suliffeqarnikkullu piorsaanissami suliniutissatut pilersaarutaasut 62-it Naalakkersuisut napatitsinermut siuariartornissamullu pilersaarutiminni 2016-imeersumi saqqummiuppaat.
Aaqqissuusseqqinnissamut suliniutaasut affangajaat maannamut akuersissutigineqareerput, affangajaallu piareersarneqarlutik.
Aaqqissuusseqqinnermut suliaq Aningaasaqarnermut Siunnersuisoqatigiinnit aamma qiimmatsaatiginnngilaat. Aningaasartuutaasuni aaqqissuusseqqinnissaq salliunneqarsimasut, isertitsissussallu suli piareersarneqartut, siunnersuisoqatigiit nalunaarusiaminni kingullermi allapput.
Tamannalu pitsaasoorpalukkaluarluni naammanngitsoq, partii illuatungiliuttumit isumaqarput.
Napatitsinermut siuariartornissamullu pilersaarut, Demokraatit 2016-mi aalajangiiffigeqataaffigisartik naammagisimaarpaat.
Kisianni demokraatit siulitaasuat Randi Vestergaard Evaldsen isumaqarpoq, aaqqissuusseqqinerit sukkanerusumik suliarineqartariaqartut.
- Oqariartuutigiiuaannavinnikuuarput sukkanerusariarpoq aamma imaqarnerusariaqarput aaqqissuusseqqinnerit))
Randi Vestergaard Evaldsen taama oqarpoq.
Aaqqissuusseqqinnerit isertitaqarnissamut qulakkeerinittussat ilaatigut tassaapput, suliffissaqartitsiniarmi aaqqissuusseqqinnerit, ilinniartitaanermut aaqqissuusseqqinerit kiisalu pisortat suliffeqarfiisa piuminarsarneqarnissaat annertooq tassani allaffissornikkut peqqinnissaqarfimmi kommuneluunniit atorfiit 900-nik sipaarfigineqarsinnaasuni,
Randi Vestergaard Evaldsen isumaqarpoq aalajangiifigissassani ilungersunartuni Naalakkersuisut pisinnaasartik takutittariaqaraat.