Aaqqissuusseqqinneq unitsinneqassappat iluanngilaq
Iluarsaaqqinnerit maanna ingerlanneqaleruttortut unitsinneqarnissaat iluaqutaanavianngilaq. Aningaasanut naalakkersuisoq, Josef Motzfeldt, taama oqarpoq. Kommunit sisamanngortinneqarnissaannik Aaqqissussaanermi Ataatsimiisitaliap siunnersuutaa, Inatsisartunit akuersaarneqartariaqartoq, Josef Motzfeldt isumaqarpoq.
- 4 milliardtit missaanni oqaluppugut, nunatta avataani inuit allat aalajangiisartuisa alajangertagaannik aningaasalersorneqarluta. Uagullu nammineq aileraarutigut landskarsimut tunniuttakkagut 1,4 milliardter koruunit missaannaanniipput. Taamaammat pilliuteqanngiivilluni allanngortiterisinnaaneq, inuiattut nammineq napatissinnaasutut mikissinnaaneq, taanna imminut salloqittarneruvoq. Pilliuteqartariaqarpugut immitsinnullu ullumikkorniit piumaffiginerusariaqarpugut sullarinnerusariaqarlutalu.
Iluarsaaqqinnerit Itisiliinermi, nalunaaqutaq arfinermiit allakaatinneqartussami, annerusumik tusarneqarsinnaapput.