Aaqqissuuseqqinneq nalilerneqassaaq
Alimasissumit nakorsiartitsisarnermut Peqqinnissutsimik suliaqartut manna tikillugu misilittagai ataatsimeersuarnermi nalilersorneqassapput. Peqqinnissamut tunngasunik aaqqissuusseqqinnerup - siorna aallartinneqartup, pilersaarutillu malillugit ukiormanna naammassisussap, sunniutai ilutigalugit aamma nalilersorneqassapput. - Peqqinneq pillugu aaqqissuusseqqinneq Nunatsinni ataatsimut ingerlanneqalersoq. Tassa imaappoq, Peqqinnissamik isumaginninnermi ataatsimik ullumikkut aqutsisoqarpoq, ataqatigiissumik ingerlatsiviulluni ataqatigiissumillu ingerlanneqarluni. Ataatsimeersuarnissaq pillugu nassuiaammi tamanna erserpoq.
Nakorsat internetikkut attaveqarfigineqarsinnaasut, isumassuineq, kiffartuussineq imminut paarisinnaaneq ilisimasanillu avitseqatigiinneq ataatsimeersuarnermi aamma oqaluuserisassanut ilaapput. Napparsimmavimmi suliaritinnissamut, imaluunniit passunneqarnissamut, atortut digitaliusut nutaat aamma saqqummiunneqassapput.
Ataatsimeersuarnissamut pilersaarutit pisortatigoortumik kingusinnerusukkut saqqummiunneqassasut, Peqqinnissamik suliaqartut tusagassiuutinut nalunaarput. Ataatsimeersuarneq Nuummi Kulturikkut Illorsuarmi, Katuami, ataatsimiittarfimmi pissaaq, nittarsaassinerit saqqummersitsinerillu arlallit aamma piumaarlutik
