Aaqqissussaanermut Isumalioqatigiissitap isumaliutissiissutaa itigartinneqarpoq

Aqqissuussaanermut isumalioqatigiissitat isumaliutissiissutaat tunngaviatigut isumaqataaffigineqaraluarluni kommunit amerlanerit piffissamik sivisunerusumik periarfissaqarusupput. Ataatsimiinnermi ilaatigut oqaatigineqarpoq kikkut kattuteqatigissanerlugit paasiniarneqassappat ukiumik ataatsimik kinguartitsisoqartariaqartoq. Tamannalu kommuninit tamanit kissaatigineqarmat kinguartitsinissaq pisussanngussasoq, KANUKOKA-mi siulittaasoq, Lars Karl Jensen oqarpoq.

Borgmesterit kommuninilu pisortat ataatsiminnerannut atatillugu inatsisartunut qinersisoqareerpat borgmesterit aappaagu ukiup aallartilaarneranniit ataatsimeeqqinnissaat aamma siunniunneqarpoq.

Kommunit amerlanerit sivitsuinissaq kissaatigigaluaraat avannaani Kangaatsiamiit Pituffik Qaanaarlu ilanngullugit ataatsimiittarnerit ingerlanneqartareersut, Ilulissani borgmesteri Anthon Frederiksen oqarpoq.

-Suleqatigiissutigineqarsinnaasut pillugit oqaloqatigiikkatta isumaqatigiippugut suleqatigiissutissat pillugit siunnerfeqassalluta, Anthon Frederiksen oqarpoq.

Naalakkersuisut siulittaasorigallagaat, Hans Enoksen oqarpoq, kommunit ukiuni arlalinngortuni namminneq aqutsilernissartik kissaatigisaraat, sivitsueqqissappatalu tamanna uggornartoq.

-Aningaasarsiornikkut nammineq napatinnerulernissarput kinguarsarneqaqqittussanngorpoq, Hans Enoksen oqarpoq.

Taamaakkaluartorli inatsisartunut qinersisussanngornerput utaqqimaaqqaarneqartariaqassaaq, isumaliutissiissutit inatsisartunut saqqummiuneqareerpat aatsaat naalakkersuisunngorumaartussat aalajangiiffigisussanngussammassuk.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat