Aaqqissuisuuneq tunuarpoq
AG-mi siulersuisut siulittaasuat Ole Kielmann Hansen, siulersuisut sinnerlugit tusagassiuutinut nalunaarummini taama allappoq.
- Stinap aalajangernera siulersuisut ajuusaarlutik paasivaat. Suleqatigiinneq nuannaarutigisimavarput, Kalaallit Nunaannilu tusagassiortut kakkannerit misilittagaqarnerillu ilaattut sulisinnaanerata annaanera ajuusaarutigalugu, Ole Kielmann Hansen ilaatigut allappoq, nangillunilu:
- Stinamilli suleqateqarnitta ingerlaqqinnissaa illuatungaatigut qilanaaraarput, siunissami qaninnermi aviisimi redaktionssekretærip aappaattut sulilernissamik siulersuisut neqeroorutaat Stinap akuerisimammagu, tamatumalu kingorna Bikki Reimer aapparalugu redaktionssekretæritut sulilissalluni, siulersuisut siulittaasuat allappoq.
Stinap atorfiata piaartumik sulilersussamik inuttassarsiuunneqarnissaa siulersuisut aalajangiuppaat, allaffissornikkullu pisortatut aaqqissuisuunertullu atorfiup inuttalerneqarnissaata tungaanut Stina Skifte aaqqissuisuunertut sulissalluni.
