Aaqqiagiinngissuteqartarnissat aallarniinnarunarput

Qeqertarsuatsiaat eqqaanni rubiinit pillugit aaqqiagiinngissuteqarneq, maani najugallit aatsitassarsiortitseqatigiiffiillu akornanni ukiuni aggersuni aaqqiagiinngissuteqartarnissanut aallarniutaannaagunarpoq. Taama oqarpoq Københavnip Universitetiani ilisimatuussutsikkut sanilliussinermut aqutsisoqarfimmi ilisimatooq, Jens Dahl.
septembarip 30-at 2008 08:17

Isumaqatigiinngissuteqarneq pinngitsoorniarlugu pilersaarusiorluarnissaq tamatumani pisariaqarpoq, soorlu suliamut paasisimasallit arlaannaannulluunniit attuumassuteqanngitsut maani najugalinnit atorneqarsinnaasunngortinnerisigut.

Tassami maani najugallit inuttut atukkanik avatangiisinulluunniit imaluunniit aningaasaqarnikkut naleqartitat kingunerisassaannik ilisimasaqanngillat, soorlulu nunat inoqqaavisa pisinnaatitaaffiinut tunngasumik isumaqatigiissummi toqqaannanngikkaluamik takuneqarsinnaasoq immikkut paasisimasalinnik arlaannaannulluunniit attuumassuteqanngitsunik attartortoqarsinnaasoq, taakkua taamaalillutik aningaasaliussanik pissarsiniassammata kingunerisassat takunissaannut namminneerlutik inunnik attartugassarsinissaminnut, taamalu tamatumani aatsitassarsiornermut akuersissuteqarfigineqartut soqutigisaat imaluunniit politikkikkut taamaallaat pineqassanngimmata. Tamatumani tassaasinnaapput maani najugallit sulisartulluunniit kattuffii, taamaalillutik suliamut paasisimasalinnik attartornissamut periarfissinneqassapput suliamut paasisimasalinnik ikiorteqarnissaminnut, tamannalu Canadami aamma ilisimaneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq