Hizbollah-kut Syriamit nalinginnaasumik tapersersorneqarput, Israelilli Hizbollah-kullu aaqqiagiinngissuteqarnerisa unitsinniarsarinissaat anguniaqqullugu Syria suliniuteqarnialerpoq.
Spaniami nunanut allanut ministerip, Miguel Moratinosip, Syriami præsidenti ataatsimeeqatigeerlugu taama oqarpoq.
Libanonimi sakkuaannerit kipitinniaqqullugit Hizbollah-kunnut kimigiisissutiginiarlugu Syriami præsidentip spaniamiumut neriorsuutigaa.
Miguel Moratinosip Syriami præsidenti, Bashar al-Assad, Syriamilu naalakkersuisut aallartitaat nuimasut allat ataatsimeeqatigeerlugit taama oqaaseqarpoq
Moratinos EU-p Kangiani Qiterlermi aallartitaatut sulisimanini pissutigalugu tamaani pissutsinik ilisimannilluartuuvoq.