Skotlandip naalakkersuisui aaqarnermi atortut pisariaqartitsisunut tamanut akeerutsinnissaat nuna tamakkerlugu pilersaarusiussasut, inatsisissatut siunnersuummi allaqqavoq.Assi: Scanpix

Aaqarnermi atortut Skotlandimi akeerutissasut

Tuluit Nunaanni niviarsiaqqat 10 procentii aaqarnermi atortusinissaminnut akissaqartanngitsut 15 procentiilu akissaalatsisartut, misissuinermi erserpoq.

Aaqarnermi atortut Skotlandimi akeerutissapput. Skotlandimi nunarsuarmi nunani siullersaalluni aaqarnermi atortut akeerutsinniarpai.

Skotlandip inatsisartuisa tamanna akerliusoqaratik akuerigaat, BBC allappoq. 

Skotlandimi sulisartut partiiata peqqissutsimut oqaaseqartartuata, Monica Lennonip, tamanna inatsisissatut siunnersuutigaa.

Lennonip inatsisissatut siunnersuutini iluaqutaassanerarlugulu siuarsaataassanerarpaa. 

Atuarfinni, ilinniarnertuunngorniarfinni ilisimatusarfinnilu niviarsiaqqat arnallu inuusuttut 2.000-t apersuinikkut misissuinermi peqataapput. Taakkualu sisamaagaangata ataaseq aaqarnermi atortussaalatsisartut, Skotlandimi innuttaasunik paasititsiniaanermut misissuiffiup YoungScott-ip misissuinerani erserpoq.

Tuluit Nunaanni niviarsiaqqat 10 procentii aaqarnermi atortusinissaminnut akissaqartanngitsut 15 procentiilu akissaalatsisartut, misissuinermi erserpoq.

Atuarfiit, højskolit ilisimatusarfiillu

Aaqarnermi atortut pisariaqartitsisunut akeerunnerisa pingaaruteqarnera coronavirusip nunarsuaq tamakkerlugu tunillaassuunnerani ersersimasoq, Monica Lennon oqarpoq.

- Nunarsuaq tamakkerlugu tunillaassuuttoqaraluaraangallunniit aaqarunnaartoqartanngilaq. Aaqarnermilu atortut pisariaqartitsisunut pingaarutillit akeerutsinnissaat aatsaat taama pingaartigaaq, taanna oqarpoq.

Skotlandip naalakkersuisui aaqarnermi atortut pisariaqartitsisunut tamanut akeerutsinnissaat nuna tamakkerlugu pilersaarusiussasut, inatsisissatut siunnersuummi allaqqavoq.

Aaqarnermilu atortut Skotlandimi atuarfinni, højskolini ilisimatusarfinnilu akeqanngitsumik pissarsiarineqarsinnaalissasut, inatsisissatut siunnersuummi allaqqavoq.

Inatsissatut siunnersuummut immikkuullarilluinnartumut akuerseqataasimanini usorsisimaarutigigini, Skotlandip ministeriunera Twitterimi allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat