Aappilattumi tunisassiorfissaq utaqqiuarsinnarneqarpoq

- Soorunalimi kinguarsaataangaatsiarpoq. Tunisassiorfik qangali aallartereersimasariaqaraluarpoq, immaqa ukiuni arlalinni napareersimasariaqaraluarpoq, Halibut Greenlandimi pisortaq Niels Thomsen oqarpoq.

Aamma atuaruk Halibut Greenlandi Aappilattumi suliffissanik qulakkeerinnittoq

Tunisassiorfiup nunaminertamik qinnuteqaat siulleq 2013-imi nassiunneqarpoq, tunisassiorfittaatalu sananeqarnera 30 millionit koruuninik akeqartussaq 2016-ip naajartulernerani piareersimasussatut pilersaarutaagaluarpoq.

Nunaminertalli aqqusinertassaa akisuallaassangatinneqalermat kommunip suliaq unitsippaa.

Aamma atuaruk Aappilattoq piorsaavigineqassanersoq nalunarallarpoq

Halibut Greenlandili sanaartorfissamik allamik qinnuteqaqqippoq. Aningaasaqarnermut ataatsimiititaliaq qinnuteqaat pillugu septembarimili isummertussaq, suli tutsaqanngilaq.

Piginneqatigiiffimmiillu isigalugu, kommunip suliassaa naammassiinnariaagaluarpoq.

- Nunaminertamik tunissuaatigut, sanaffigeriaannakkatsinnik. Tunitsivittaa uagut sanassavarput tamaallu akilerlugu.
Pilersaarulli allaanngilaq kommunimit qatangiinnarneqartoq, nunaqarfinni aqutsisuni ilaasortaq isumaqarpoq.

Aamma atuaruk Halibut Greenland: Pisortat arsaq maanna paaraat

Tunitsivimmi aqqutigalugu aningaasarsiortoqarpat, tamanna inissianik meeqqerivinnillu sanaartornissamut pilersitseqataasinnaasoq nunaqarfimmiut neriuutigigaluaraat, Ferdinand Grim oqarpoq.

- Naalakkersuisut kommunillu annertuumik tapersersuinngippata nunaqarfik ineriartorsinnaasorsuugaluaq ineriartorsinnaanngilaq, nunaqarfinni aqutsisuni ilaasortaq Ferdinand Grim oqarpoq.

Qaasuitsup Kommuniani aningaasaqarnermut ataatsimiititaliamit oqaaseqartitsiniaraluaratta suli iluatsinngilarput.