Aappilattumi atuartut oqaasersianik atuartinneqarnerat pitsaanngilaq

Upernaviup kommuneani Aappilatuumi atuarfik 45 –inik atuartoqartoq ilinniarsimasunik ilinniartitsisoqanngilaq..

Aappilattumi atuarfimmi timelærerisut sulisoq Ole Olsvig isumaqapoq ilinniarsimasunik ilinniartsitisoqannginnimmamik Atuarfitsialaap anguniagaanik oqaasersianik atuartitsinikkut nammasinnisinaanatik:

Atuartitaanermut peqqussut malillugu atuartut qallunaatut atuartinneqaannaratik aamma 4. klassimiit tuluttut atuartitsineq ingerlanneqartartussaavoq.

Ole Olsvig, atuarfimmi oqaasersianik atuartitsisuusoq isumaqarpoq atuarfitsialaap anguniagaanik naamassinnissinnaanatik:

-Upernavimmi Atuarfiup pisortaa oqarpoq ilinniartitisunik ilinniarsimasunik tikisitsiniarnerup ajornakusoornera ilaatigut pissuteqartoq nunaqarfinni pissutsit illoqarfinniit allaanerunerat.

- Sorpassuarnik tunngaveqarsinnaavoq, taamaakkaluartorli tassunga pissutaanerpaatut taarusuppara attaveqaatitigut atortorissaarusunnerup kingunerisaanik illoqarfitsinni ingammik nunaqarfitsinni ilinniartitsisutut sulerusunnginneq pissutaasoq.

Assersuutigalugu Nuummi fjersynimi raadiumilu isiginnaagassat tusarnaagassallu amerlanerit atorneqarsinnaanerisa saniatigut pisiassat amerlanerit qinerneqarsinnaapput. Maani nunaqarfinni tamakku piginngilavut maani aamma sunngiffimmi sammisassat ikinnerupput,

Hans Christian Hjort oqarpoq.

Hans Christan Hjort aperaarput tamanna qanoq iliuuseqarfigineqarsinnaanersoq.

- Nunaqarfinni avinngarusimasunilu ilinniartitsisunik ukiunik aalajangersimasunik atorfeqartitaaneq immikkut ajunngitsorsiassaqartitsinermik imaqartoq siornatigut atorfinitsitisinnaaneq neqeroorutigisimavarput, kinguneqanngitsumilli.

Maannakkut tamanna aamma neqeroorutigeqqipparput.

Taamatut atorfinititsinermi ilinniartitsisoq ukiut tamaasa ilaqutaalu sulinngiffeqarnerup nalaani angalaneri akilerneqartarput, kiisalu suliunnaarnermi immikkut ajunngitsorsiassanik neqerooruteqartarpugut. Taamaakkaluartorli malunnartarpoq ajunngitsorsiassaritinneqartut soqutigineqarneq ajorput, annerusumillu suliffiup avataani neqeroorutaasinnaasut pingaarnerutinneqartarlutik.

-Uagut suut tamaasa atorlugit tamatuminnga aaqqiniarsarivugut, sulisugut pikkorissarteqattaartarpagut,

Hans Christian Hjort oqarpoq

Ole Olsvig oqarpoq atuarfitsialammut ikaarsaariarnermi atuartitseriaatsinik pikkorissartinneqartarsimallutik, kisiannili oqaasersianik atuartitsitinerni suli pikkorissarsimanatik.