Aapparisaminik toqutsisimasutut pasineqartoq pinngitsuutinneqartoq

Toqutsisoqarsimaneranik pasitsaassaqartoqarneranut atatillugu angut sapaatit-akunneranni uani tigusaasoq Nuup politiivinit iperagaavoq.
Allattoq Kenneth Elkjær
apriilip 07-at 2017 09:51
Nutserisoq Simon Uldum -

Angutip pineqartup aapparisaminik toqutsisimasutut politiinit pasineqarluni ulluni 16-ini paarigallarneqarnissaa ataasinngormat aalajangiunneqarpoq. Politiilli paasiniaanerisa kingorna angut arnap toquneranut pisussuuteqanngitsoq paasineqarpoq, taamaammallu sisamanngornermi iperagaavoq.

Politiit paasiniaasartuisa pisortaata Bjørn Bjerregaardip tamanna uppernarsarpaa.

- Arnap toqqutigisaa paasiniarlugu pilaasoqarpoq aamma pinerluffiusorineqartoq paasiniaaffigaarput, pinerluttuliortoqarsimaneranulli takussutissaqanngilaq, KNR-imut taama oqarpoq.

Arnaq pineqartoq Nuummi Dronning Ingridsvejimi inissiami sapaatit-akunnerata naanerani nassaarineqarpoq. Tamatuma kingorna arnap inooqatigisaa toqutsisimasutut pasineqarluni tigusarineqarpoq paarigallagassanngortinneqarlunilu.

Arnap toqqutigisaata paasinissaanut misissuinerit kingulliit inernissaat politiit suli utaqqivaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq