Aappariinnerlioraanni arnaq uummallulersinnaavoq

Aappariit aappariinnerliorpata arnaq uummalluttunngorsinnaasoq, misissuinerit nutaat takutippaat. Arnat aappariinnerliornermi inuusut sisamariaammik annerusumik uummallunneq peqqutigalugu toqquteqarsinnaapput.

Aappariinnerliorneq suliffimmi stressernermit sisamariaammik ulorianarneruvoq. Misissuinerit nutaat arnat 600-t peqataaffigisaata ukiunilu qulini malinnaaffigineqartut tamanna takutippaat.

-Arnat aappariinnerliornermi inuusut imminnut ima uisakajaartitsigilersinnaapput allaat uummaserisunngorsinnaallutik, Kristina Orth-Gomér, uisakajaarnermik arnallu nappaataannik immikkut ilisimasalik, oqarpoq.

Aappariinnermi uisakajaarneq suliffimmi uisakajaarnermit ulorianarnerujussuuvoq.

-Aappariinneq suliffimmiit uummammut pingaarneruvoq. Inuunerput annertunerujussuaq ilaqutariit ilagalugit inuusarpugut, taamaammat ilaqutariinnermi qanilaassutsip ajunngitsuunissaa pingaarnerpaavoq, Kristina Orth-Gomér oqarpoq.

Oqaloqatigiissinnaannginneq, atoqatigiinnermi ajornartorsiuteqarneq, aappariinnermilu amerlavallaanik ajornartorsiuteqartarneq arnap uummataanut ulorianartuupput.

Angerlarsimaffimmilu ajornartorsiutit suliffimmi uisakajaarnermut tunngasunut sanilliullugit oqaluuserissallugit ajornarnerusimavoq.