Arnaq 47-nik ukiulik Arsummeersoq, toqutseriarsimasutut pasineqarluni, sapaatit akunnerini sisamani Paamiuni politiinit tigummigallagassanngortinneqarpoq.
Ullut marluk aappariit imereersimallutik, sisamanngormat unnukkut arfininngulernerani arnap taassuma aappani 41-nik ukiulik sinittoq savimmik marloriarlugu kapisimavaa.
Paamiuni Stationlederi Hans Peter Olsen taama oqaluttuarpoq nangillunilu.
- Arnap saniliminut imeriartorluni aninera nuannarigunarnagu, arnaanni matumik paarnaarussimavaa, tamannalu arnap puuaralllaatigisimavaa.
Savimmik kapisinerup aappa, angutip isaa 2 cm-mik uniorsimavaa, kapisinerullu aappa angutip pukusuanik eqquisimalluni.
Politiit Arsummut unnukkut aqqarnup missaani apuussinnaasimapput, arnalu sinittoq tigusarisinnaasimallugu.