Aappaagumut qipoqqartassiissutit saqqummiunneqartut
Ukiumi pisassiiffiusumi 2017-imi qipoqqaat pisassiissutaasut nunap immikkoortuinut agguaanneqarneri avammut saqqummiunneqaqqapput.
Allattoq Simon Uldum -
decembarip 21-at 2016 05:13
Pisassiissutit agguaanneqarneri Aalisarnermut Piniarnermullu Naalakkersuisumit akuerineqarpoq.
Kitaanut 2017-imi qipoqqartassiissutit tamakkerlutik aqqaneq-marluupput, taakkunannga marluk 2016-imi pisarinngitsuukkaneersuullutik.
Angallatit qipoqqarniarnissamut teknikkikkut piumasaqaatinik naammassinnissimasutut akuerineqarsimasut 2017-imi januaarip aallaqqaataanit decembarip 31-ata tungaanut qipoqqarniarsinnapput.
Qipoqqartassiissutit:
Qaanaaq, Upernavik, Uummannaq, Qasigiannguit, Qeqertarsuaq aamma Nanortalik 2017-imi januaarip aallaqqaataani akuerineqartunik tuukkartalinnik qamutililinnik angallateqanngillat, taamaammat qipoqqaat taamaallaat Qeqertarsuup Tunuanit kujammut pisarineqarsinnaapput.
Najoqqutarisaq: Naalakkersuisut.gl
