Aappaagumut akileraarutissat oqaluuserineqassapput
Inatsisartut ullumi ataatsimiilerpata aningaasat eqqartorneqassapput. Aappaagumut akileraarutit annertussusissaat, siornalu ilassutitut aningaasaliissutit eqqartorneqartussanut ilaapput.
Akitsuutilli nutaat aamma eqqartorneqassapput. Siumut siunnersuuteqarpoq nioqqutissat uuliamik aallaavillit akitsuuteqalissasut, aningaasallu akitsuutineersut avatangiisinut aningaasaateqarfimmut nutaamut nakkartinneqartassasut.
Akitsuut qanoq annertutigissanersoq Siumup suli aalajangiutinngilaa, nalilersuinerilli malillugit literimut 5 øre-ussangatinneqarpoq. Assersuutigalugu biilit orserneqaraangata akitsuut 2-3 koruunit missaannik naleqassaaq.
Akitsuutip piniartunut aalisartunullu aamma atuunnissaa naatsorsuutigineqarpoq. Siumup naatsorsorsimavaa ukiumut 100 koruunit 150 koruunillu missaanni naleqassasoq.
Akitsuut atuutilersinneqassappat ukiumut 12,5 millioni koruuninik tamanna isertitsissutaassaaq.
