Flemming Knudsenip suliffissuaqarfiup Royal Greenlandip pisortaanissaatut toqqarneqarnera SIK-p siulittaasuanit, Jess G. Berthelsenimit, isumalluarfigineqarpoq.
- Air Greenlandimi sulisut maannakkut ataqqineqarlutillu tusaaniarneqartarput, Jess G. Berthelsen iluarisimaartoq oqarpoq.
KNAPK-lli siulittaasuata Peter Olsen-ip isertuunnagu nassuerutigaa Paaviaaraq Heilmann pisortaanissatut piukkunnerusimagaluarlugu.
- Paaviaaraq Heilmann-ip Royal Greenlandimi pisortaagallarnermini takutissimavaa illuatungeriit soqutigisaannik tusarnaarluartartoq, tamannalu aalisartut isaannit isigalugu iluarineqarsimalluni, Peter Olsen oqarpoq.
KNAPK-lli siulittaasua Royal Greenland-ip siulersuisuisa aalajangiinerat ataqqillugu oqarpoq.