Aapakuk pillugu Leine atuakkiorpoq

Kim Leine nammineq misigisani tunngavigalugit siusinnerusukkut oqaluttualiornikuuvoq, taaguutilik Kalak, malitsigaalu atuagaq Tunu, Tunumi pisimasuutitaq.

Atuakkami nutaami oqaluttualiarissavai pruffiitit Habakuk Maria Magdalenalu. Taakku upperisamik 1790-imi sammisaqalerput, ilagiinnillu immikkoornianik Maniitsup eqqaani Kangerlussuatsiami pilersitsipput. Inunnit qanittumiit ungasissumiillu ornigarneqarluarput, Maniitsorlu inuerutingajalluinnarpoq. Qallunaat Kalaallit Nunaannik nunasiaateqarnerannut akerliussutsimik takutitsinermik siullermik Kim Leinep tamanna nassuiarpaa.

Kim Leine ukiup ataatsip matuma siorna Kangerlussuatsiamiippoq. Kisimiivilluni ulluni pingasuni Habakuup Maria Magdalenallu uppertiminnut Guutip nalunaarutaanik ingerlatitseqqittarfianni najugaqarpoq.

Atuagaq Profeterne i Evighedsfjorden Gyldendal aqqutigalugu upernaaru saqqummissaaq.