Aanngajaarniutinik atuineq oqaluuserineqassaaq
Inuusuttunik angajoqqaavinillu ataatsimiisitsineq pissaaq Nuup katersortarfiani ullumi nalunaaqutaq ataatsimiit tallimat tungaanut.
Allattoq Apollo Jeremiassen
Aanngajaarniutit - imigassaq ikiaroonartullu - inuttut atugarisatigut peqqissutsikkullu ajoqusiisarnerat pillugu Kommuneqarfik Sermersooq paasititsiniaalerpoq. Innuttaasut peqqinnerunissaat paasititsiniaanikkut anguniarneqassalluni.
Eqqartugassani pingaarnerpaavoq toqqissisimanartumik meeraanissaq inuttullu akisussaaffiup annertusarnissaa.
Ataatsimiititsineq innuttaasunut 15-inik ukioqalereersimasunut tamanut ammassaaq.
Ataatsimiinnermi ilaatigut suliffissarsiuussisarfik, Piorsaavik, Paarisa, Piareersimasut, isumaginninnermut sinnersortillu peqataassapput.