Aammikkut orsoqarpallaarput

Akilinermi naggueqatigiit Inuit Nunavimmeersut kalaallinit pingasoriaammik annertunerusumik aammikkut orsoqarput, tamanna Canadami ilisimatuut ataatsimeersuarneranni, ArcticNet-imi paasineqarsimasoq, aviisimi The Starimi atuarneqarsinnaavoq.
Allattoq Mads Lynge
decembarip 18-at 2007 11:16

Ataatsimeersuarnermi aamma saqqummiunneqarpoq akilinermiut naggueqatigiit Inuit sooq taamatut ulorianartumik aammikkut orsoqartigisarnersut. Orsoq pineqartoq taqqanik milittoortarnernut pisuusartoq Danmarkimi 2003-mi nerisassani akuusinnaanera killilerneqarpoq, nerisassat 2 procentimik orsumik taamaattumik akoqarsinnaanerat killilerneqarluni.

Canadami naggueqatigiit Inuit nerisassat tikisittagaat qanoq orsoqartigisinnaanerat inatsisitigut killilerneqarnikuunngilaq, ullumikkullu naggueqatigiit Inuit nerisassat pisiarisartagaat tallimaagaangata sisamat pisiniarfinni pisiarineqartarput. Nerisassat kissariaannaat pisiarineqarluartarput sivisuumik ajortinnatik pigineqarsinnaasarmata, tassalu nerisassat taakku orsumik ulorianartumik akoqarnerpaasarput.

Akilinermi naggueqatigiit Inuit Amerikamiusut aammikkut ullumikkut orsoqartigaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq