Aamma illit Tivolimut 1. augusteriassamaarpit?

Kalaallit Nunaat Tivolimi ukiormanna ingerlanneqartussaq inissikkiartorpoq. Nunatta Danmarkimi kulturikkut aaqqiissuussinerisa annersaanni tusarnaartitsisussat tallimat massakkuugallartoq tusarliussinnaallugit aqutsisooqatigaat KNR-imut paasissutissiissutigaat.
Allattoq Simon Uldum
juunip 06-at 2013 09:03

Tusarnaartitsisussat tassaapput erinarsoqatigiit Aavaat, Tivolimut tunngatillugu ukiorpassuarni peqataasarsimasut, erinarsoqatigiillu Ingeratsiler Tasiilameersut, perngaammik Tivoli tusarnaartitsisussat.

Aammattaaq Jenseeraq Sisimiuneersoq tusarnaartitsiniarpoq. Taanna poppunkimik nipilersoqatigiit Uummat aamma erinarsortorivaat.

Ukiormanna nutaatut isdiginnaartitsiutigaluni tusarnaartitsisoqassaaq. Nipilersoqatigiit Qullissara Qullissat pillugit isiginnaartitsiutigalutik tusarnaartitsissapput.

Nipilersoqatigiit Qarsoq Tivolip tusarnaartitsivissuani Plænenimi pikialaartitsinermik aggustip aallaqqaataani naggasiisussaasut, aqutsisooqatigaat aamma paasissutissiissutigaat.

- Ukiorpassuarni aatsaat taama pitsaatigisumik pilersaarusioqartoqarsoraarput, Miki Jensen aqutsisooqatigiinneersoq oqarpoq. Nutaamik pingaarnertut aningaasaliisoqalersimanera tamatumunnga pissutaalluinnarpoq. Aningaasaliisup aqqa ulluni qaninnerni saqqummiunneqarumaartoq neriorsuutigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq