Aamarsuarsiorfimmi sulisut ajunaarput

Kinap kangisissuani nunap immikkortortaani Shanximi aamarsuarsiorfinni sulisut ikinnerpaamik 17-it ippassaq unnukkut ajunaarsimapput, aamarsuarsiorfimmi qaartoqarmat. Sulisullugooq ikinnerpaamik 30-t suli annaanniarneqarput, matoorussaasimammatalu ilumut annaanneqarsinnaanersut suli ilisimaneqanngilaq.

Aamarsuarsiorfimmi gassi erngarsimasoq qaarsimavoq. Aamarsuit Kinami pisariaqartinneqartorujussuupput, nunap nukimmik atuineranut 70 procenti aamarsuarnik atuiffiummat.

Aamarsuit atorfissaqartinneqarujussuarnerat pissutigalugu, aamarsuarsiorfinni sulisut sillimaniarnissaat ilaanni eqqarsaatiginngitsoorneqartarpoq. Aamarsuarsiorfiit oqartussaasunit matuneqarsimagaluartut unioqqutitsisumik ammaqqinneqartarput, naak tamanna inerteqqutaalluinnaraluartoq, aamarsuilli atorfissaqartinneqarluinnarmata piginnittut soorunalimi iluatigisarpaat.

Kinami aamarsuarsiorfinni sulisut ukioq manna septembarip qaammataanili manna tikillugu 3284-it

Ajunaarsimasut, nutaarsiassaqartitsivik Ritzau ilisimatitsivoq.