Kina-p avannaatungaani aamarsuarsiorfiup iluani sulisut 57 mattussaaqqasut, Kina-mi nutaarsiassaqartitsiviit allapput.
Aamarsuarsiorfimmi ajutoorneq aamarsuarsiorfiup siulersuisuinit nipaarsaarunniarneqarsimammat, siulersuisut maanna paarnaarunneqartut, aviisit allapput.
Aamarsuarsiorfiup ilua sisamanngormat erngup qarsutsineranik eqqugaavoq, aallaqqaammullu siulersuisut oqarput inuit tallimaannaat mattussaaqqasut.
Ilaqutaasut oqaloqatigineqareersullu paasineqarpoq, aamarsuarsiorfimmi sulisut 57-it ilaqutaasunit maqaasineqartut.
Kinamiut aamarsuarsiorfii suliffigissallugit nunarsuarmi ulorianarnerpaat ilaattut taaniarneqartarput, oqaatigineqartarporlu Kinami aamarsuarsiorfinni toqusartut ukiumut 20.000-it missaanniittartut, taama Ritzau allaaserisaqarpoq.