Aamaarsuarsiorfimmi mattussaasut ujarnialerpaat
Robotti sullukkut 15 centimeterimik silitsigisukkut aamarsuarsiorfimmut ninginneqassaaq, tamannali pitinnagu qaarusummi ulorianartunik gasseqannginnersoq annaassiniartut qulakkeeqqaassavaat. Ulorianartunimmi gasseqassagaluarpat robottip ungasianit aquttakkap elekronikkiisa tamakku ikuallatsilersinnaagaat ernummatigineqarpoq.
New Zealandip kimmut sineriaata kujasissuani qeqertami tallimanngormat qaartoortoqarujussuarmat, qaarusummi sulisut 29-t aamarsuarsiorfimmi Pike Riverimi, mattussaapput. 150 meteriinnarmik ititigisumiissangatinneqarput, kisianni kilometerit pingajuat avillugu ungasissusilimmiikkunarlutik.
Kinami qaarusummi sulisut aamma 29-t ippassaq annaanneqarput, qaarusuk suliffitsik qarsutsinermit eqqugaammat mattussaagaluarput. Qaarusummi sulisut tusindtilikkaat Kinami ukiut tamaasa ajunaartarput.
