Japanimiu, Kosuke Tsuneoka, Afghanistanimi aapriilip aallaqqaataani periarfeerunneqarpoq kingornalu tusarfigineqaqqinnani. Tallimanngormalli angut nittartakkut naatsunik nalunaaruteqartarfikkut ima tuttaqarpoq:
- Suli uumavunga, kisianni paarnaarussaaqqallunga.
Minutsialuit qaangiuttut japanimiu allaqqippoq Dasht-e-Archimiilluni Kunduz-imi, taama dr.dk allappoq.
Japanimiu nittartakkamut attavininnissaminut periarfissaqalerpoq, sakkutuup paarsisuata mobiilini Nokia N70-i atornissaa nalulerlugu paarsaminut tunniummagu.
Sakkutuup japanimiumut mobiilini ikitsippaa, japanimiullu iluatsillugu mobiili internettimut attavilerpaa. Afghanistanimiullu sakkutuut nutaarsiassaqartitsivik Al Jazeera mobiilikkut takusinnaanerlugu aperisimapput. Taamaaliorsinnaasut japanimiup oqaluttuuppai, kisiannili Twitterimik atuinissaannik siunnersorlugit.
- Aperivaannga Twitteri suunersoq, nassiuiaappakkalu assersuutigalugu allattoqarsinnaasoq japanimiut tusagassiortorpassuisa atuarsinnaasaannik. Taavalu oqarfigivaannga 'misiliguk'. Ilimaginngilara nalunnginneraat salloqittarneqarlutik, Tsuneoka oqaluttuarpoq.
Japanimiu avammut attaveqarnereernerata kingorna, sapaatip akunnerata naanerani iperarneqarpoq.