Aallartitaqarfik ikuallattoq
Serbiamiut politiivi aallaqqaammut isiginnaaginnarsimapput. Maannali gassit qulliliornartut qamussuillu sorsuutit atorlugit akerliussutsimik takutitsisut avissaartuutsinnialersimavaat.
Amerikamiut aallartitaqarfiat inuerutsinneqareersimavoq nakkutigineqaranilu. Inuit tuusintilikkaat Beogradimi ullumi akerliussutsimik takutitsipput, Kosovop namminersortunngornera nunallu tamatuminnga tapersersuisut akerliuffiginiarlugit.
Aamma Danmarkip Kosovo naalagaaffittut namminersortutut ullumi akueraa, Danmarkip nunanut allanut ministeeriaqarfia taama ilisimatitsivoq.
Nunanut allanut ministerip Per Stig Møllerip Kosovop præsidentia aamma ministeriunera ualimut allakkatigut akuersissuteqarneq pillugu nalunaarfigai.
- Danmarkimi naalakkersuisunut pingaaruteqarpoq, Kosovop pisussaaffimmisut pilersinniarmagu nuna demokratiimik tunngaveqartoq, upperisaq tunngaviginagu aamma inuiaat assigiinngitsut katersuuffiattut kiisalu ikinnerussuteqartunik illersuiffiusoq, nunanut allanut ministeri Ritzauimut oqarpoq.
Serbiap nunani allani aallartitani, nunani Kosovop namminersortunngorneranik tapersersuisuniittut angerlarartilereerpai.
