Aallartinneqarsimasumik qanigisaqarluni oqitsuinnaanngilaq

Danmarkimut aallartinneqarsimasumik qanigisaqarluni oqatsuinnaananilu imaannaanngilaq. Margrethe Rosbach, tarnikkut napparsimasumut Danmarkimut aallartinneqarsimasumut qanigisaasoq, oqaluttuarpoq qatanngunni tarnikkut nappaateqartuusoq maqaasisarini.
Allattoq Louise M. Kleemann
septembarip 03-at 2008 12:01

-Oqitsuinnaananilu imaannaanngilaq. Ilaqutariiulluta taamatut pisoqarnera piffissaq sivisooq atorlugu akueriniarsaraarput, Margrethe Rosbach oqaluttuarpoq.

Margrethe Rosbachip ilanngullugu eqqaavaa, qanigisap qanoq inuttut ineriartornera nammineerluni tarnip pissusaanik ilisimasalimmut Dronnging Ingridip napparsimavissuaniittumut paasiniartariaqartarlugu.

-Eqqarsaatigisaraluarlugu imaaliallaannaq takusinnaanagu misigissutsikkut artornarsinnaasarpoq. Margrethe Rosbach. oqarpoq.

Taanna isumaqarpoq Kalaallit Nunaanni tarnikkut nappaatillit inuiaqatigiinni eqqartorneqarnerusariaqartut. Paquminartutullu isigineqarneri ammasumillu qanoq inuuneqarneri ullumikkut eqqartorneqanngippallaartut.

Kalaallit Nunaanni tarnip nakorsaat inissallu isumannaallisakkat amigaataaneri pissutigalugit Kalaallit tarnimikkut nappaatillit danmarkimiittut ullumikkut 18-upput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq