Assi: KNR

Sungiusaasoq ammip qalipaataanik imikkoortitaanermi kingorna: Aallarnissannut piareeraluarpunga

- Ajorusuutigaara nanertisimassutigalugulu, kalaallit nunaaniillu aallarnissannut piareersimallunga, taama oqarpoq arsaattartunik sungiusaasartoq Tekle Ghebrelul anngunniartoqarnerata kingorna qarasaasiakkut attaveqatigiittarfimmi Snapchatimi ammip qalipaataanik immikkoortitsinermik pineqarnermi kingorna.

Issikkammik arsaattartut Nuummeersut B-67  Maniitsumeersunut Kagssagssummut marlunngormat GM-mut anngunniullutik unammipput.  

Unammineq naammassereermat  B-67-ermiut sungiusaasuata  Tekle Ghebrelulip assinga qarasaasiakkut attaveqatigiittarfimmut Snapchatimut aapakaanik banaaninillu assitalerlugu ikkunneqarpoq.   

Sungiusaasup ikinngutaasa Tekla ilisimatippaat assinga ikkunneqarsimmammat.

- Ikinngutima ilaasa aperivaannga asseq takorusunneriga,  taannali isumaqarpoq takussanngikkiga, kisianni susoqarnersoq paaaseruppara, Tekle Ghebrelul oqarpoq.

- Taamaaliortoqarsinnaaneralu eqqarsaatigisimanngilluinnarlugu, Tekel Ghebrelul oqarpoq.
Taanna unnukkut aliasuttorujussuuvoq.

AAMMA ATUARUK Arsaattartoq ammip qalipaataanik assigiinngisitsisoq

Tekle Ghebrelul ukiut 14-it Kalaallit Nunaanni najugaqarpoq, Nunanut allanut unammisartunut sungiussaasuuvoq aamma timersoqatigiiffimmi B-67-mi sungiusaasuuvoq.

- Taama pisoqarmat unnukkut ullullu tulliani misigisimavunnga Kalaallit Nunaat qimanniarlugu, B-67-milu  siulittaasumut aamma tamanna oqaatigaara, Tekle oqarpoq,  oqarpunga naammaleqaaq naammatsippunga aallartariaqalerpunga taama pineqarnera naammagilerpara, Tekle oqarpoq.

Taama pisoqarnerata kingorna sungiusaasoq ikinngutiminit ilisarisimasaminillu tapersersorneqarluarpoq.

AAMMA ATUARUK Kâgssagssuk utoqqatsertoq

- Qujanartumik amerlanerit oqarput  tamanna akuerissanngilat tunniutiinnassanngilatit tamannalu pissutigalugu aallassanngilatit. Aamma oqarput kalaallit amerlanerit taama ittuunngimmata. - Taama ileqqorissaarnermik tapersersorneqalaarluni iluarusunnarpoq, Tekle Gherelul oqarpoq.

Arsaattartup assinik ammip qalipaataannik assigiinngisitsunik ikkussisimanerata kingorna arsaqataannginnissaanik Arsaattartut Kattuffiata GBU-p aalajangernera Tekle Ghebrelulip  isumaqatigaa, kisianni taanna isumaqarpoq,  timersornerup iluani ammip qalipaataanik assigiinngisitsinerup ajornartorsiutaanerata sammineqarnissaa pingaaruteqartoq timersortartut ataasiakkaat pisullu ataasikkaat kisiisa pinnagit.

Arsaattartup  timersoqatigiiffimmi Kagssagssumeersup piffissap sinnerani arsaannermi peqataaqinnginnissaa  Arsaattartut Kattuffiannit aalajangerneqarpoq, ammip qalipaataanik immikkoortititsineq kattuffiup  naleqartitaanut naapertuutinngimmat.   

AAMMA ATUARUK Ammimi qalipaataa tunngavigalugu nikassarneqarnini aalassaatigigaa

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat