Aallakaatitassiaq ´Akissut´ KNR TV-kkut aallakaatinneqartalissaaq
KNR-i Nuuk TV-mut isumaqatigiissuteqarpoq aallakaatitassiaq ´Akissut´ KNR-ikkut
takutinneqartarnissaanut. Aallakaatitassiaq sapaatip akunnikkaartumik Nuuk TV-mit
suliarineqartassaaq, tusagassiortup Elna Egede-p sapaatip akunnerani pineqartumi inuk
tusallattaagaq pulaartigisassammagu.
oktobarip 04-at 2013 10:29
KNR-ip nuannaarutigaa aallakaatitassiornermik suliallit namminersortut taavalu sumiiffinni tvliutileqatigiit
suleqatiginerisa nukittorsarneqarnerat. KNR-ip siunertatut anguniagaanut
aallakaatitassiat amerliartortinnissaannut naapertuuppoq, nukiit periarfissallu nunatsinni piusut
atornerisigut aallakaatitat nunatsinneersut amerlisarnissaat – innuttaasunut iluaqutissanngortillugit,
oqarpoq TV-mi aallakaatitassiornermi pisortaq aamma pisortaanerugallartoq Jan Berg.
Taasumap saniatigut KNR NuukTV-lu isumaqatigiissuteqarput meeqqanut aallakaatitassianik.
Aallakaaitassiaq ´Akissut´ sapaammi nal. 19:30 aallakaatinneqartassaaq.
