Aallaasiutillit nakkutiginninnerusariaqarput

Inuit aallaasinik/sakkunik naammaginartumik nakkutiginnittariaqarput, taamaanngippat nuanniilluinnartunik pisoqarsinnaavoq, politikommissær Kristoffer Petersen oqarpoq qalleqqissarlugu meeqqat aallaasinik passussinissaat angajoqqaat akisussaaffigigaat.

Kristoffer Petersen aamma oqarpoq inatsisit malilllugit aallaasit soorlu angalareerluni angerlarsimaffimmut oqqutsinnagit imaarsimanissaat isumannaarsimasariaqartoq, tamannalu qulakkeeqqittariaqartoq angerlamut apuunnermi aallaasit imassaallu immikkoortittariaqarmata ataatsimoortigunnaarlugit ajornanngippallu parnaarullugit meeqqat ussernartorsiorsinnaajunnaarsillugit. Meeqqalli eqqarsaatigalugit taanna naammanngilaq, ataavartumimmi meeqqat ilisimatittuartariaqarput aallaasit sakkullu taamaaqataat ulorianartuusut, immaqalu naveersinertut oqaatigineqarsinnaagaluarpallutunniit meeqqat oqaattariaqartut aalaasit qanoq navianartigisinnaanerinik, taam,aaliornermi meeqqanik asanninneruvoq, Kristoffer Petersen qalleqqissaavoq.

Politikommissær Kristoffer Petersen oqaaseqartoq tusaavarsi.

Sapaatip akunnerata kingullip naanerani Avannaani Appani aallartoornikkut ajoraluartumik meeqqamik toqusoqarpoq.

Aallartoornerit ajutoornernik malitseqartut

ukiut tallimat matuma siorna sisamaasimapput. 2003-mi 17-ullutik ukiorlu kingulleq aqqaneq'marluullutik.