Kaali Fencker, Orsiivimmi sulivoq. Uanilu aallaasip eqittaataanut paarnaarsaat takutippaa. Assi: KNR.

Aallaasinut paarnaarsaatit pilerigineqarpallaanngitsut - allaanerusoq nuannarineqarpoq

Aallaasit angerlarsimaffimmiititat eqittaataanni paarnaarsaateqarnissaat inatsisaalissasoq, IA-mit folketingemut ilaasortaq isumaqarpoq. Paarnaarsaatilli pisiarineqarpiarneq ajorput.

Anginngilaq 299 koruunilerlugulu pisiassaavoq.

Folketingemut ilaasortaq, Inuit Ataqatigiinneersoq Aaja Chemnitz Larsen aperigaanni aallaasip eqittaataanut paarnaarsaat pisartunut alianartunut allanngortitsisinnaavoq.

Taanna naapertorlugu, paarnaarsaammik atuisussaatitaaneq, imminut toqunnernut aallartoornernullu pinaveersaartitsissaaq.

AAMMA ATUARUK IA-p imminut toqunneq meeqqallu ajutoortarnerat pinaveersaarniarlugit aallaasinut inatsit sukaterusukkaa

Paarnaarsaatit Nuummi aallaasaarniarfimmi, Orsiivimmi, ilaatigut nioqqutaapput. Taakkuali tunisaavallaanngitsut, tuniniaasoq, Kaali Fencker oqarpoq.


Aallaasip eqittaataanut paarnaarsaat, Assi: KNR

- Iluamik naamik atorneqarnerat uanga takunikuunngilara. Amerlavallaanngitsut atortarpaat.

- Immaqa ilisimaneqarpallaannginnamik.

Aallaasit eqittaataanut paarnaarsaatit tunisaarpianngillat. Taamaakkaluartoq sillimaniarneq pisisartunit ukiuni kingullerni pingaartinneqaleraluttuinnartoq, tuniniaasoq oqaluttuarpoq .

Aallaasillu eqittaataanut paarnaarsaatit pilerigineqarpallaanngikkaluartut allat nuannarineqarnerupput.

- Sillimaniarnermut tunngasut ukiuni kingullerni assupilorujussuaq atorluarneqalerput. Ukua sikaviit saviminernik sanaat paarnaartartut, taakkua assupilorujussuaq ingerlalluarput, Kaali Fencker oqarpoq

Tamakkiisumik qulakkeerinninngitsoq

Taanna naapertorlugu, Aaja Chemnitz Larsenip siunnersuutai qajannaannerpaanngillat, aallartoorutaasinnaallutillu.

- Aallaasip atorunnaarsinnera uuma qulakkiivissunnginnamiuk. Qaqugukkulluunniit una silussinnaagami. Taava paarnaarnerlussimagaanni aallarsinnaavoq.

AAMMA ATUARUK Inuusuttuaqqat pingasut Narsami aallartoornermik ajutoortut

KNR-p aallaallutik imminnut toquttut, aallartoortullu ukiuni kingullerni qassiunersut, Kalaallit Nunaanni Politiinut paasiniarpai, taakkuali suli akinngillat.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat