Aallaasinut imassarpassuarnik savippassuarnillu Paamiuni tilllittoq kinaanersoq paasineqarpoq
Paamiuni politiit sapaatip-akunnera sinnerlugu ujaasereerlutik, aallaasinut imassarpassuarnik savippassuarnillu tillittoq kinaanersoq ippassaq paasivaat, Paamiuni politeeqarfimmi pisortaagallartoq, Johan Barlaj, taama ilisimatitsivoq.
novembarip 05-at 2007 14:45
Paamiuni BetonCentralip tankeqarfiani tillinniarneq tallimanngornermi oktobarip ulluisa 26-anni pivoq, aatsaallu ippassaq sapaammi novembarip ulluisa sisamaanni paasineqarluni.
Angut 20-t sinnilaarlugit ukiulik aallaasit imassaannik poortanik 200-t sinneqartunik, amerlanerit qoorortuunut patronit, aamma savinnik savissuarnillu 100-t sinneqartunik, tillissimavoq.
Tillitat tamakkipajaarlugit nassaarisimallugit Politiit oqaatigaat. Angut paasineqartoq tigummigallarneqanngilaq, kingusinnerusukkulli tillinniarsimanini pillugu pineqaatissinneqassasoq, Johan Barlaj ilanngullugu ilisimatitsivoq.
