Aallaasinik atuisinnaasut piginnittullu uppernarsaateqalerlik
Aallaasinik sakkunillu pigisaqarniaraanni akuersissummik peqaqqaarnissaq pisariaqarsoraa, atuisinnaalernissamullu pikkorissartarnissaq.
Maannakkut piffissanngorpoq eqqartusallugu aqqaneq marlunnik ukiullit pisiniarfimmut iseriarlutik aallaammik sakkortoorujussuarmik pisisinaanissaat naleqqunnersoq, Jens B. Frederiksen oqarpoq. Qanga nukappiaqqat ataatartik ilagalugu aallartarput tassanilu aallaasit qanoq atorneqarnissaat ilinniartarlugu. Maanakkut meeqqat amerlasuut angerlarsimaffimminni pinnguaatit atorlugit pinnguarnerusarput, ataataq aallarluni piniartoq, Jens B Frederiksen assersuusiorluni oqarpoq. Aallaasinik sakkunillu pigisaqarnissamut akuersissummik pigisaqarnissaq Jens B Frederiksen-ip eqqartugassaqqissutut siunnersuutigaa. Meeqqat avataaniillu tikittut aallaasinik atuisinnaanissamut ilikkarsimalllutik aallaasinik atuisinnaanissaat anguneqassaaq, piniarnernermut sakkunillu atuinermik malittariassasat ilikkarneqarlutik.
Aallaasinik sakkunilu atuiniartut pikkorissartinneqartalernissaat Jens B. Frederiksen-ip pisaqariaqarsoraa.
Inatsisartut ukiakkut ataatsimiinnerat septemberip ulluisa 19-anni aallartissaaq.