Aallaasersortoqarnerani toqusoqarpoq
NUTARTIGAQ: Nuummi ippassaq aallaasersorneq toqumik kinguneqarpoq. Aallaasersorneq Nuussuarmi Ole Brandtip aqqutaani pivoq.
![](/sites/default/files/styles/image_934x467/public/article_images/skud2.jpg?itok=bSBXgiKf)
Allattoq Jens Thorin, Pipaluk Høegh
Politiit nalunaaqutaq unnukkut arfineq pingasunut qiteqquttoq nalunaarfigineqarput Ole Brandtip Aqqutaani angut aallaaseqartoq ernumassutigineqartoq.
Politiit aallaasersortoq attaveqarfigaat tunniuttiinnartinniaraluarlugulu. Angut ataasiarluni seqqorpoq.
Politiit taava inissiamut iserput angullu siumorlugu, taannalu ingerlaannaq napparsimmaviliaanneqarpoq.
Dronning Ingridip Napparsimmavissuani sulisut angut annaanniaraluarpaat, unnualli ingerlanerani toqusoq, politimestereqarfimmi allaffisornermi pisortaq Claus Lyngholm Risbjerg KNR-imut oqaluttuarpoq.
Angutip toqunerani susoqarsimanersoq politiit ilisimatitsissutigiumanngilaat.
- Angutip toqunera pissutsinik alianartunik tunngaveqarpoq, Claus Lyngholm Risbjerg oqarpoq.