Aallaasersortoq qaammat ilivitsoq tigummineqassaaq

Arnaq 45-nik ukiulik imigassartorsimalluni ikiaroorlunilu ippassaq unnukkut Nuup ilaani, Adolf Jensenip Aqqutaani, Fiskerby-mi angummut aallaasersorsimanera pillugu ullumi nalunaaqutaq pingasup qeqqa Nuup eqqartuussiviani sassartinneqarpoq.

Arnaq siornatigut inoqamminut pinerliisimanngilaq, aalakoorsimavoq ikiaroorlunilu, pisorli tamaat eqqaamalluarpaa. Arnaq siornatigut inooqamminit iniminnit anisitaasarsimanerartoq angerlarami inaat inoqanngilaq, matuersaataalu inooqataata tigummisimammagit, igalaaq aserorlugu isertariaqarsimavoq. Igalaaq aseroramiuk aapparmi isernissaa siooragilersimavaa. Qoorortuuaraq kaliber 22 immeriarlugu qalianukarpoq isermallu qunusaarniarlugu qulaanit ummiuppaa.

Angut aneqqippoq, arnap unissaraluarpaa, uterumanngimmallu 140 meterit missaanni ungasitsigilermat igippoq tunuatigut tuiata ataatigut eqqorlugu. Eqqartuussivimmi arnap oqarnera malillugu aapparmi toqunnissaa siunertarisimanngilaa, umernagulu taamungaannaq igissimanerarpoq.

Ummiussaali taannaannaanngilaq,

unnerluussisup oqarnera malillugu, nukappiaqqat marluk aqqaneq-marlunnik arfineq-pingasunillu ukiullit aqqusinermiittut aammattaaq ummiussimavai. Taakku ima annilaangasimatigipput inuunertik navianartorsiorsorilerlugu. Arnalli oqarnera naapertorlugu nukappiaqqanik takusaqannginnerarpoq.

Taamatuttaaq politiit biilinik takkummata ummiuppai biiliisalu tungaannut igilluni.

Qaqqajunnami akiminiittumi assiliisutut qillaallanneq takuaa, arnap oqarnera naapertorlugu tungaanut umertuusaarpoq, taamaalimmat qillaallattartoq tarripallappoq. Politiit taama ummiunnerinut peqqutiginerarpaa, politiinut aallaatinniassagami.

Illup iluanut gassimik qulliliornartumik politiit igeriussereernerata kingorna arnaq tigusarineqarpoq.

Arnaq 45-nik ukiulik qaammat ataaseq tigummigallagassanngortinneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat