Angut 18-inik ukiulik unnugu arfineq marlunut Nuummi eqqartuussivimmut sassartinneqassaaq, ullaassaq Nuup umiarsualiviani umiarsuarmut Naja Arctica-mut aallaasersorsimanini pissutigalugu.
Inuup inuuneranik navianartorsiortitsisimasutut , toqutseriarsimasutut avatangiisiminullu ulorianaateqarsimanera pillugu unnerluutigineqassaaq.
18-inik ukiullip umiarsuarmut aallaasersorsimanera sumik patsiseqarnersoq suli qulakkeerneqanngilaq, sangiannermilli aallaaveqarsorineqarpoq.
Angut 18-inik ukiulik sapaatip akunnerini sisamani tigummigallagassanngortinneqarnissaa unnerluussisup piumasarisimavaa..