Aalisartut suliap inernera uggoraat

Nuup umiarsualivianik aalisartut arfinillit 2009-mi assersuisimanerminnut akiligassiissummik akiligassaqaannassasut, nunatta eqqartuussisuuneqarfiata ippassaq pingasunngornermi eqqortuutippaa.

Tamannalu isumaqarpoq aalisartullu tamarmik immikkut 2.500 koruuninik akiliissasut.
Aalisartut 2009-imi assersuineranni assersueqataasimasup Johannes Heilmannip eqqartuussutip inernera ajusaarutigaa. 

- Uggornarpoq. Kisianni tassa eqqartuussivik aalajanngiivoq maannakkut nunatta eqqartuussivia taamatut ittariaqartoq, Johannes Heilmann KNR-imut oqarpoq.

Aalisartut tamarmik immikkut 2.500 koruuninik akiligassinneqarnissaat eqqartuussiviit ukioq kingulleq aalajanngiuppaat. 
Aalisartulli illersuisuat isumaqarami aalisartut akiligassaarussinnaasut eqqartuussut ingerlateqqitassanngorteqqippaa.    
Suliamimmi suliaqarnerup sivisunera aalisartut pisinnaatitaaffiinik unioqqutitsineruvoq, Aviâja Helms oqarpoq. 

- Taanna suliaq taamani 2009-mili piareersimareerpoq. Taamaakkaluartorli ukiut arfinilingassuit uninngavoq.Taannalu kialluunniit akuerisinnaangilaa suliaq piareersimasoq eqqartuussivimmi uninnganissaa, eqqartuussisup aamma taanna nalunaarutigivaa inuttut piginnaatinneqarfimmi unioqqutitsinerusoq.Taamatut inuit eqqartuussivimmi utaqqitinnissaat Sivisuallaarujussuarpoq, aalisartut illersuisuat, Aviâja Helms, taama oqarpoq.

Aamma atuaruk  Aalisartut umiarsualivimmik assersuipput

Suliamik ingerlasssineq sivisuallaarsimavoq

2009-mimi assersuereernerup kingorna suliap eqqartuussivimmi inerneqarnissaa ukiunik arfinilinnik sivisussuseqarnera sivisuallaarsimasoq unnerluussisussaatitaasoq isumaqataavoq.  
Taamaattoqarnerali pissutigalugu akiligassiissutit 15.000 koruuniniit annikillisimaneri erseqqissarpaa. 
Taamaammat unnersuussisussaatitaasup eqqartuussut tusaatissatut tiguaa. 

- Isumaqaraluaratta akiligassiissut 5000 koruuniusariaqartoq kisianni aalajanngiipput sumiiffimmi eqqartuussiviup aalajanngigaa akiligassaq 2.500 koruuniussasoq. 

Eqqartuussutip inernera

Unnerluussisussaatitaasulli suliamik ingerlatseqqinnianngitsut, Liselotte Bøhmip erseqqissarpaa. 

- Suliaq aappassaaneerluni aalajanngiuffigineqareerpoq, eqqartuussullu aalajanngiiffigineqarnera taama inerneqarpoq.

Akiligassiissulli taamaatiinnarneqanngikkaluartoq, eqqartuussutip sukanganerulinnginnera/sakkortunerulinnginnera Johannes Heilmannip nuannaarutigaa.

- Annertuussineqanngimmat imaattoq nunatta eqqartuussiviata eqqartuussinera taanna ajunngitsumik tiguarput,  Johannes Heilmann oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat