- Naatsumik oqaatigalugu Nukissiorfiup taarsiissuteqarnissani ersissutigivaa.  Pissutigalugu aningaasarparparpassuusagamik. Assersuutigiinnarparput taanna oqaatigeriigarput aalisartumut ataatsimut ullormut 3000 koruunit isertitsissutaasarput. Mannalu aalisartoqarfissuulluni, Nuka Nielsen oqarpoq.Assi: Privatfoto: Nuka Nielsen

Aalisartut sillimmasiinermut akiliisarnerunissamut ernumasut

Uummannami erngup ajortinneraniit inuit isertitakillisimanerminnut taarsiiffigeqqugunik, sillimmasiisarfitsik saaffigilissuk. Nukissiorfinniit taama oqarput. Aalisartoq sillimmasiisarfimmut akiliinerusalersinnaanermut aarlerivoq.

Uummannami tunitsiviilt tunisassiunngimmata aalisartut aningaasanik annaasaqartarput.

Akiligassalli uninneq ajorput. Mario Johansenip meeqqerivimmut, illumut, TELE-POST-imut akiligassaagaluit, tunitsivissaaleqigami akissaqartikkunnaarpai. Maannalu aamma sillimmasiisarfik aqqutigalugu taarsiiffigineqarnissaq anguniartariaqalerpaat:

Mario Johansen.

-  Taarsiiffigeqqugutta inuttut ataasiakkaatut suleqquneqarpugut sillimmasiisarfipput aqqutigalugu Nukissiorfinnut ingerlateqqullugu taarsiiffigineqarnissarput, Mario Johansen oqarpoq.

AAMMA ATUARUK Nukissiorfiit om tabt arbejdsfortjeneste: I får ikke en rød reje, hvis I ikke er forsikret

Innuttaasut namminneq erngup uuliaqalernera pisuussutiginngikkaluarlugu akisussaaffik innuttaasunut tutsinneqartoq Mario Johansen isumaqarpoq:

- Uagut pisuussutiginngikkaluarlugu uagutsinnut tutsinneqarpoq taanna. 

Illoqarfimmi innuttaasunut sisamanngormat ataatsimiititsinermi taartisisinnaaneq apeqquteqartoqarmat nukissiuuteqarnermut naalakkersuisoq, Jess Svane (S) Nukissiorfinnut innersuussivoq.

- Nammineq sillimmasiisarfiutigisap suliassamik Nukissiorfiit sillimmasiisarfianut suliassaq pillugu qulaajaasinnaasumik attaveqartoqassasoq Nukissiorfiit siunnersuutigaat, nukissiuteqarnermut naalakkersuisoq, Jess Svane (S) innuttaasunut sisamanngornermi ataatsimiititsinermi oqarpoq.

Mario Johansen Kalaallit Forsikringimi sillimmasersimasuuvoq, sillimmasiisarfillu aqqutigalugu Nukissiorfimmut suliakkiissuteqaruni, tassunga akiliinerusalernissani ernummatigaa:

- Soorunalimi taanna pisussaasooq. Sumiluunniit sillimmateqarluni ajutooraanni nalunaarutigigaanilu sllimmasisarfimmmut akiliinerulertaramik, Mario Johansen oqarpoq.

AAMMA ATUARUK SIP Uummannaq: Sulisut aningaasarsiassaralui matussusersigit

Uummannami aalisartut tunitsivimmilu sulisut kisimik eqqorneqanngillat. Tassami aalisartut nunaqarfinneersut, soorlu Qaarsuneersut, Uummannap tunitsiviinut aamma tunisisaraluarput. Nukissiorfiillu kukkussutiminut akisussaajumanngitsoq, Uummannami aalisartut peqatigiiffianni siulittaasoq isumaqarpoq:

- Naatsumik oqaatigalugu; Nukissiorfiit taarsiissuteqarnissani ersissutigivaa. Pissutigalugu aningaasarparparpassuusagamik. Assersuutigiinnarparput taanna. Oqaatigeriigarput aalisartumut ataatsimut ullormut 3000 koruunit isertitsissutaasarput, mannalu aalisartoqarfissuulluni, Nuka Nielsen oqarpoq.

Nukissiorfiit sillimmasiisarfiit aqqutigalugit taarsiinissamut aaqqiissuteqarniarnerat inunnut ataasiakkaanut tutsinniarneqartoq Nuka Nielsen isumaqarpoq:

- Illit uangalu sillimmasernerput atorniarsarivaat, pissutigalugu sakkukinnerusumik aningaasanik pissarsissutaasussaagami. Uanga illillu naggataatigut akiliisussanngortussaagatta.

Aalisartullu Uummannamiittut Nukissiorfiit aaqqiissutissatut maannamut tikkuagaa pillugu KNAPP-imi siulittaasoq ataatsimiisitsiniarpoq. ataatsimoorlutilli Nukissiorfinnut suliakkiissuteqarniarlutik, taassuma oqaatigaa. Taarsiiffigineqarnissarlu pillugu eqqartuusivilersuunissaq aalisartup neriuutigaa:

-  Naatsorsuutigilluinnarpara peqatigiiffiit aqqutigalugit eqqartuussivilerssuussinissaq aallartissasoq, allaqqussinnaarpasinngilarmi, Mario Johansen oqarpoq.

Nukissiorfiit aalisartut isornartorsiutaannut akillutik, aalisartut sillimmasiisarfiinut innersuusseqqipput. Taava Nukissiorfiit sillimmasiisarfiata aalisartullu sillimmasiisarfiisa oqaloqatigiillutik, kikkut taarsiissussaatitaassanersut isumaqatigiissutigissagaat, Sune Tougaard oqarpoq.

Uummannami aalisartut katillugit 300-t missaaniittut KNAPP-imi, siulittaasup oqaatigaa.

Taakkua silagitsillugu ullormut 3.000 koruunit isertissinnaasaraluaraat, Mario Johansen oqaluttuarpoq. Taakkunannga akileraarutit, orsussamut 300 koruunit, aalisarnermut atortunut 200 koruunit KNAPP-imi ilaasortaanermut akiliut  ilanngaatigisassaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat