Aalisartut qimagutitinneqarsimasut ataatsimeeqatigineqartut
Qimagutitinneqarsimasut ullumi ataasinngornermi ualikkut ataatsimeeqatigineqassasut, ataqatigiissaarisup Sivso Dorphip KNR-imut ilisimatitsissutigaa.
Pingaartumillu umiatsiat atortorissaarutillu qanoq amerlatigisut tassaarsuaqarnerani annaaneqarsimanersut paasiniarneqassaaq.
Paasissutissat Sivso Dorphip pissarsiarisimasai naapertorlugit, umiatsiat annaaneqarsimanngitsut sisamaapput, taakkuninngalu piginnittut inuussutissarsiornertik aallarteqqissinnaavaat.
Aamma oqaatigaa Qaasuitsup Kommuniata ataani sulisuusut qimagussorneqarsimagaluarlutik akissarsiassatik pigiinnassagaat.
Inuussutissarsiutigalugu aalisartut piniartullu taamaalillutik ilungersunarnerusumik inissisimarpasipput.
- Sunik amigaateqarnersut qanorlu ikiorserneqarsinnaanersut ulluni tulliuttuni paasinarsissaaq, Sivso Dorph oqarpoq.
