Aalisartut qaleraleeqqat qajassuunniarpaat
Oqariartuuteqaqatigiinneq suleriaqqinnissamut tunngaviussaaq, tamannalu Ilulissani isumasioqatigiinnermi isumaqatigiissutigineqarluni. Qalerallit annerusut akigissaarnerusarput - tassa aalisartunut aamma tunisassiortunut.
Qaleralittarineqartartuni angissutsit tamarluinnarmik ullutsinni assigiimmik akeqartinneqartarput, aalisartullu pisariinnerusumik aalisarniartarmata, aalisakkat mikinerit pisarineqakkajuttarput. Taamaammat KNAPK tunisassiortullu aalisartoqarneq tamaat eqqarsaatigalugu akitigut isumaqatigiinniassasut inassutigineqarpoq, taamaalilluni aalisartut anginerusunik qaleralinniartalernissaat kajungernarnerusunngortinneqassammat.
Aalisariaatsit ullutsinni atorneqartunit immikkoortiterillaqqinnerusut anguniakkap piviusunngortinniarnissaani atorniarneqarput - taamaalilluni angissutsinik aalajangersimanerusunik pisaqartoqarsinnaalissalluni. Ningittagarsornermi aalisakkat assigiinngitsunik tamanik angissusillit pisarineqartarput, taamaammallu qaleralittarineqartartut amerlanerpaartaasa qassusersorluni pisarineqartarnissaat inassutigineqarpoq.
Oqaatigineqareersutut suleriaqqinnissami tunngavissaq oqariartuuteqaqatigiinnermut ikiorsiissutaasussaq, piffissami qanittumi aalajangersarniarneqarpoq.