Aalisartut pisortanut millionilikkaanik taarsigassaqartut
Inuit Ataqatigiinnit, Sofia Geislerip aalisarsinnaanermut akuersissuteqarfigineqartut qassit pisortanut 1 millionit koruunit sinnerlugit akiligassaqarnersut, aningaasaqarnermut naalakkersuisumut, Pele Brobergimut §37-kkut apeqqutigaa.
Nunatsinnilu aalisarsinnaanermut akuersissuteqarfiusut 17-it taama akiligassaqartut akissutigineqarpoq. Aalisarsinnaanermut akuersissuteqarfiusut taarsigassallit 1 millioniniit 5 millioninut akiligassaqartut, Brobergip naalakkersuisoqarfiata naatsorsuinerani ilisimatitsissutigineqarpoq. Taarsigassalinnit marluk 5,1 millionit 10 millionit koruunillu akornanni taarsigassaqarput.