Aalisartut piniartullu tallimat nersornaaserneqarput

Niels Carlo Heilmannip Nersornaasiinermut Aningaasaateqarfiani siulersuisut ukiormanna nersornaasigassanik aalajangersaaqqammerput.
Allattoq Elisa Isaksen
novembarip 15-at 2011 07:06

Ukiup taamaalinerani silap inuussutissarsiorfigiuminaalleruttorfiani, aningaasartalinnik nersornaatisinissaq qujarunneqassaqaaq. Tamanna aalisartut piniartullu tallimat nersornaatisisussat malugilluassavaat.

Maligassiuisutut nersornaatisisut tassaapput, Hans Kruse, Uummannaq aamma Kristian Petersen, Paamiut.

Paaviaaraq Kristiansen, Paamiut, inunnik annaassisimasutut nersornaatisivoq.

Maligassiuisutut inunnillu annaassisimasutut nersornaatisipput, Gedion Maratse, Sermiligaaq, aamma Hans Petersen, Ilulissat.

KNAPK-mi kattuffiullu immikkoortortaqarfiini inunnut maligassiuilluarnermikkut nersortariaqartunut, sulilluarnermikkullu aalisarnermi piniarnermilu peqatigiiffeqarnermut eqiasuitsumik ingerlatsisimasunut, aamma inunnut aalisartunik piniartunillu ajunaalersunik annaassisimasunut nersornaasiisarnissaq, aningaasaateqarfiup siunertaraa.

Nersornaatisisut pappiaqqamik nersornaammik 5.000 koruuninik aningaasartalimmik tunineqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq