Aalisartut piniartullu pisatik unioqqutitsillutik tuniniartarpaat

Kalaaliaraq nutaaq ukioq ataaseq atoreeraluartoq, suli aalisartut piniartullu amerlasuut aalisakkanik puisiminernillu kalaaliaratoqami  Nuutoqqamiittumi illoqarfiullu ilaani allani tuniniaasarput.

- Naalanngisaarluta maani Kalaaliaratoqqami tuniniaasarpugut - allagartamik nivingasoqaraluarpoq tuniniaaneq inerteqqutaasoq - kisianni tuniniaasarpugut tamannalu ajorineqarpoq ajorpoq, siusinaatumik pensionisialik Joel Jørgensen taama oqarpoq.

Taassuma nammineerluni aalisartut piniartullu tuniniagassaat piareersartarpai, Kalaaliaqqamut nutaamut majuuteriaannanngorlugit.

Nuummi aalisartut piniartullu peqatigiiffianniit, ilaasortamik inatsisit unioqqqutillugit tuniniaasoqartarnerat illuatungilersinnaanngilaat.

- Unioqqutitsisoqannginneranik  oqarsinnaanngilanga kisianni oqarsinnaanngilanga kikkut unioqqutitsisumik tuniniaasarnersut,  NAPP-mi siulitatasup tullia Johannes Heilmann KNR-mut taama oqarpoq.

Aalisartut piniartullu kommuunemik isumaqatigiissuteqaraluarput, pisat Kalaaliaqqami nutaami, peqqinnissamut tunngasuni oqartussat piumasaqaataannut naapertuuttumi, tuniniarneqartassasut.

Isumaqatigiissuteqarnikkut pissutsit pingasut aaqqinniarneqarput.

Siullermik: aalisartut piniartullu allatulli aklileraartassasut.

Aappassaanik: Tunineqartut eqqiluisaarnikkut qaffasissumik pitsaassuseqassasut - aalisartut piniartullu taama sullinneqarnerminminni akiliuteqalaartassapput.

Pingajussaannik: Aalisartut tunisaminnut isertitaasa procentiinik Kalaaliaraq ilanngaasassasoq, aalisartut piniartullu peqatigiiffiannut nakkartussanik.

Kalaaliaqqami ittuusup ilumoornerarpaa, aalisartut piniartullu ilaasa Kalaaliaraq nutaaq avaqqutiinnarlgu tuniniasartut.

- Nalunngilara Kalaaliaqqap avataani tuniniaasoqartartoq, imaassinnaavoq annikitsunik pisaqarsimagunik Kalaaliaqqamukaannagit illoqarfimmi tuniniartaraat,
Kalaaliaqqami nutaami ittuusoq, Andreas Kleinscmidt, taama oqarpoq.

Taassumali erseqqissarpaa Kalaaliaqqamut nutaamut aalajaatsunik tunisisartoqartoq.