Aalisartut piniartullu kommunimut saaffiginneqquneqarput

Kisianni aalisartut piniartullu allatulli kommunimut saaffiginnillutik ikiorserneqarsinnaasut Aalisarnermut, Piniarnermut Nunalerinermullu Naalakkersuisoq Finn Karlsen oqarpoq:

- Inuiaqatigiit taama ikitsigaluta immikkuuluttumik ikiorsiisarnermik peqaraluarutta ajussaaq. Assersuutigalugu sanasut namminersortut sanaartornmi suliassaarukkuni sanaartornermut pisortaqarfik ikiuisinnaanngilaq, Finn Karlsen oqarpoq.

Inuiaqatiit ikinnerat pissutigerpiarlugu assigiimmik pineqarnissaq siunertaralugu ikiorsiinermut peqqussusiortoqarsimavoq.

- Assigiiffaarimmik pineqartussaatitaanerat pineqarpoq, oqarpoq.

Ullualuit matuma siornagut KNR-imi tusarparput Siorapalummi sikuunnginnera pillugu piniartut qimussimik piniariarsinnaanngitsut.

Ikioqqulluni saaffiginnittoqaraluarpat qanoq siunnersussavigit? Aperaarput.

- Ippassaaninnguaq Siorapalumminngaanneersoq oqaloqatigaara taannarpiaq pillugu. Kommunimut saaffiginnissasoq siunnersorpara. Kommuni pisussaatitaavoq peqqussut malillugu ikiorsiissalluni. Ajornartuuitsut karsimit ataatsiminngaannit allerfissaqartariaqarput. Tassa Kalaallit Nunaanni kinaluunniit periarfissaqarpoq socialernissamut, Finn Karlsen erseqqissaavoq.

Aalisartut piniartullu allatulli ikiorserneqarsinnaanerannut tunngatillugu peqqussut tassaavoq Pisortanit ikiorsiissutit pillugit inatsisartut peqqussutaat nr. 15 20. novembari 2006-imeersoq, apriilip aallaqqaataani 2007-mi atuutilersoq.