Aalisartut piniartullu atugaat allanngortitertariaqarput
Aalisartut piniartullu inuiaqatigiinni allanut sanilliullugit ajornerusumik inissisimanngillat.
Aalisartut piniartullu aningaasatigut inissisimanerat oqallisigineqartuaannarpoq, taakkualu aningaasatigut atugaasa qulakkeerneqarnissaannut immikkut iliuuseqartoqartariaqarani, Akileraartarnermut Atugassaarnermullu ataatsimiititaliaq isumaqarpoq.
Aalisartut piniartullu isertitaat ima ikitsigisut oqallinnermi oqaatiginiarneqartarput allaat immikkut tapiissuteqartarneq pisariqartinneqartoq, ataatsimiititaliarsuup nalunaarusiaani taamatut oqaatigineqarput.
Aalisartut piniartullu aningaasatigut atugaat ataatsimiititaliarsuarmit nalilersorneqarput, tassalu aalisartut piniartullu isertittagaat inuiaqatigiinni isertinneqartartunut allanut sanilliullugit appasinnerunngitsut oqaatigineqarluni.
Taamaattorli ataatsimiititaliarsuarmit qullakkeerlugu oqaatigineqarpoq aalisartut piniartullu ilaat annikitsinik isertitaqartarmata, ilanngullugulu erseqqissarneqarluni inuussutissarsiutinik suliaqartut allat aamma annikitsunik isertitaqartarmata.
Inuussutissarsiutinik ingerlataqartunut aalajangersimaqqissaartunut tapiissuteqarnissaaq siunertaqarpiassanngilaq, isertitakinnerusut allat ikiorneqartassappata, isertitakinnerusummi isumaginninnermi inatsisit malillugit isumagineqartarmata.