Aalisartut piniartullu amerlanerusut sulisilluni ajoqusernernut sillimmasertalersimapput

Aalisartut, piniartut savaatillillu namminersortut sulisilluni ajoqusernermut sillimmasernissaq 2011-miilli nammineerlutik isumagisassarilerpaat, tamatumalu malitsigisaanik sulisilluni ajoqusernermut sillimmasiinerit amerleriarujussuarsimapput.
Allattoq Peter Troelsen
januaarip 13-at 2014 11:07

Namminersortut 17 %-it 2012-imiit 2013-imut sillimmasersimapput, 39 %-illu sulisutik sillimmasersimallugit. Sulisilluni Ajoqusernerit pillugit Sullissiviup pisortaata tamanna iluarisimaarpaa.

Siuariaateqarneq nuannaarutissaavoq, tassami aalisartut piniartullu inuussutissarsiutaata navianartuusinnaanera avaqqunneqarsinnaanngilaq. Namminersortutulli sulisillutik ajoqusernernut ingerlaannartumik sillimasersinnaanngillat, taamaammat imminnut ilaquttaminnullu isumannaarsimaneri takusinnaallugit nuannerpoq, Kristina Nordby-Rachlitz oqarpoq.

Aalisartut piniartullu gruppeforsikring.gl aqqutigalugtu nammineerlutik sillimmasersinnaapput, aamma Sulisilluni Ajoqusernerit pillugit Sullissivik Nuup kujataani  paasisitsiniaalluni aasaru angalassamaarpoq.

- Nuup kujataaniit kitaata kujataaaggustip aallaqqaataanit angallavigissavarput ’Ataatsimoortunut sillimmasiineq aalisartunut, piniartunut savaatilinnullu naalagaaffimmit aningaasaliivigineqartoq’ sillimmasernissamut periarfissaq pillugu paasisitsiniaalluta. Amerlanerusut imminnut isumannaarniarlutik sillimmasernissamik iluaqutaasinnaanerata takusinnaalernissaa kissaatigaarput, Sulisilluni Ajoqusernerit pillugit Sullissiviup pisortaata Kristina Nordby-Rachlitz oqarpoq.