Aalisartut piaarnerusumik akissarsisalissapput
februaarip 28-at 2005 07:23
Aalisartut KNAPK-mut ilaasortat Nukamut tunisigaangamik aqaguani akilerneqartalernissaat pillugu NUKA KNAPK-lu isumaqatigiissuteqarput.
Aalisartunut amerlasuunut kipiluttunartarpoq tunisinermi akilerneqarneq aatsaat kingusissukkut pisarmat. Nalinginnaagaluarpoq minnerpaamik sapaatip akunneranut marloriaannarluni tunisat akilerneqartarlutik.
- Amerlasuutigut ajornartorsiutaavoq, aalisariutaatillimmi atortussarseqqaarlutik amerlanertigut aatsaat aallartaramik, KNAPK-p siulittaasua Leif Fontain oqarpoq.
Isumaqatigiissut nutaaq malillugu aalisariutaatilik tunisinermi uppernarsaat ingerlaannaq pisalissavaa, taamaasilluni piaarnerusumik aalisartut akissarsisalersinnaalissammmata.