Aalisartut nersornaatisipput

Carl Egedep Aningaasaateqarfianit ullumi ullukinnermi nersornaasiisoqassaaq. Angutit qulit tamarmik immikkut 5.000 koruuninik aningaasartalinnik nersornaaserneqassapput.
Allattoq Apollo Jeremiassen
decembarip 21-at 2011 06:46

Aningaasaateqarfiup tapiiffigisarpai aalisartut piniartullu kinguaavi toqusoqarnerani qimataasut, aalisarnermi piniarnermilu siuarsaaqataasut, aalisartut piniartullu utoqqalisut aammalu inuussutissarsiornermikkut timikkut ajoquteqalersimasut.

Carl Egedep aningaasaateqarfia pilersinneqarpoq aalisartumit landsråd-imilu ilaasortaasimasumit Carl Egedemit, taannalu 1959-mi Hans Hedtoftip umiunerani ajunaaqataavoq.

Ukiormanna nersornaatisisut diplomimik tunineqarput 5.0o0 koruuninik ilallugu. Ukiormannalu tunineqartut qulit tassaapput:

Julius Amossen aamma Ernitsiaq Amossen tamarmik Qaarsuneersut
Isak Pike  Illoqqortoormiut Jakob Jensen Arsuk
Karolus Steffani, Qeqertarsuatsiaat
Lars Kristensen,  Innaarsuit taanna toqukkut qimagussimavoq nersornaallu eqqaaniarneqarnissaanut tunniunneqassaaq
Nersornaaserneqartut sinneri tassaapput:
Aron Karlsen Upernavik Kujalleq
Fridrik Løvstrøm, Niaqornat
Vittus Egede aamma Kristian Heilmann tamarmik Nuummeersut.

Carl Egedep aningaasaateqarfiani siulersuisut  Augo Lyngemut eqqaaniutitut aningaasaateqarfimmi siulersuisut assigalugit, tassaapput Aalisarnermut Naalakkersuisoq Ane Hansen, KNAPK-mi siulittaasoq Leif Fontaine aamma KNAPK-mi siulersuisuni ilaasortaq Isak Vahl.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq