Suliassaq imaannaanngilaq. Aalisartulli nutaamik aaqqissuussisoqarnissaanik sivitsortumik noqqaassuteqartuartarsimasut sapinngisamik pitsaanerpaamik ikiortariaqarpavut, Lea Wermelin oqarpoq. Toqqorsivimmit assi

Aalisartut marluk Bornholmimi sigguttuunik ikilisaatinneqartussanngortut

Aalisartut marluk piniarnermut allagartallit Bornholmip eqqaani sigguttuut ikilisarnissaannut misileeqqinnissamut sulisinneqartussanngorput.

Sigguttuut qassutinut napitittarput, tamannalu aalisartut aalisigartaasa qassutaasalu innarlerneqarnerannik kinguneqartarpoq. Bornholmip eqqaani aalisarnerup akornguserneqartarnera killilersimaarniarlugu sigguttuut 40-t ukiut tamaasa aallaaneqarsinnaanerannut misiligutaasumik aaqqissuussineq 2016-imi aallartippoq.

Tamannali annerusumik angusaqarfiunngimmat Danmarkip avatangiisinut ministeriata, Lea Wermelinip, Bornholmimeersup nutaamik aaqqissuussinikkut aalisartut ikiorusuppai.

AAMMA ATUARUK Bornholmimi puisinut akeqqersimaartut

– Aaqqissuussineq nutaaq sigguttuut ikilisinnissaannut iluaqutaassanersoq paasiniarlugu aalisartut marluk sigguttuunik ikilisaatinneqassapput. Aalisartut taakku ulluni 30-ni sulissapput, Lea Wermelin oqarpoq.

Sigguttuut ukiumut aallaaneqarsinnaasut 40-ruunissaannut killissarititaasoq suli atuuppoq.

– Suliassaq imaannaanngilaq. Aalisartulli nutaamik aaqqissuussisoqarnissaanik sivitsortumik noqqaassuteqartuartarsimasut sapinngisamik pitsaanerpaamik ikiortariaqarpavut, Lea Wermelin oqarpoq.

Misiligutaasumik aaqqissuussineq nutaaq 2020-imi januaarimiit marsimut ingerlanneqartussaq 200.000 koruuninik aningaasaliiffigineqarpoq. Tassunga atatillugu immikkut malittarisassat Bornholmimuinnaq atuupput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat