Aalisartut kissaataat naalakkersuisunit itigartinneqarpoq

Aalisarnermut naalakkersuisup, Karl Kristian Krusep umiarsuarmik tunitsivissamut periusissanut allannguutissamik siunnersuutaa, naalakkersuisunit itigartitsissutigineqarpoq.

Tassalu aalisartut Sisimiormiut umiarsuarmik saarullinnut tunitsivissaminnik qinnuteqartut taperserneqanngillat.

Aalisarnermut naalakkersuisoq taama oqarpoq, oqaluttuarlunilu allannguutissamik siunnersuutini Naalakkersuisuni amerlanerussuteqartunit itigartinneqartoq.

Taassuma ilanngullugu oqaluttuaraa umiarsuarmik tunisassiorfimmut suliamut tunngatillugu nakkutigineqalerluni. Tassalu siunnersuutissani tulleq naalakkersuisoqatiminut saqqummiutsinnagu naalakkersuisut siulittaasuannut saqqummiuteqqaassavaa.

- Uani periusissiatut suliarineqartoq isummersuutigineqartoq taamatut isikkoqarluni akuerineqanngilaq, taannalu nutaamik suliareqqittariaqarparput, isikkualu naammaginarsimanngilaq akuerinissaanut, Aalisarnermut naalakkersuisoq, Karl Kristian Kruse oqarpoq.

 

Aamma atuaruk Sisimiuni aalisartut tunitsiviliisoqarnissaanik ilungersuuteqartut

 

Siunnersuutip itigartinneqarneranut tamatuma amigaateqarnera peqqutaasoq taassuma oqaatigaa, suulli amigaataanersut oqaatigiumanngilaa.

 Siunnersuut naalakkersuisoqarfianut maanna utertinneqarpoq.

 

Kim Kielsen akuerseqqaassaaq 

Siunnersuulli naalakkersuisuni oqaluuserineqalertinnagu naalakkersuisut siulittaasuanit, Kim Kielsenimit akuerineqaqqaartariaqartoq, Karl Kristian Kruse oqarpoq.


- Pisortaqarfimmi suliap naammassineqarnerata malitsigisaanik naalakkersuisup siulittaasoqarfianut apuutissuarput, taava tappikani ataatsimiinnissaq qaqugu pissanersoq aaliagerneqassaaq, Karl Kristian Kruse oqarpoq.

Tassalu Sisimiuni aalisartut 100-it akerliusssutsimik ippassaq takutitsisut tunitsiveqarnikkut aaqqiivigineqarnissamik piumasaat, Naalakkersuisunit ilalerneqanngilaq. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat